ຄົ້ນຫາ

ນະຄອນຫຼວງວຽງຈັນ, ສປປ ລາວ, ວັນທີ 5 ສິງຫາ 2021 - ສະຖາບັນສາທາລະນະສຸກສາດ ແລະ ການແພດເຂດຮ້ອນ (ສສກ), ກະຊວງສາທາລະນະສຸກ, ຮ່ວມມືກັບອົງການອາຫານ ແລະ ການກະເສດແຫ່ງສະຫະປະຊາຊາດ (FAO) ໄດ້ຈັດຝຶກອົບຮົມດ້ານການບໍລິຫານ ແລະ ການນຳໃຊ້ ຂໍ້ມູນການບໍລິໂພກອາຫານໃນ ສປປ ລາວ ຂຶ້ນໃນລະຫວ່າງວັນທີ 13 ຫາ 30 ກໍລະກົດ 2021 ທີ່ຜ່ານມາ. ການຝຶກອົບຮົມທີ່ສຳຄັນນີ້ແມ່ນເປັນກິດຈະກຳໜຶ່ງພາຍໃຕ້ແຜນງານການຮ່ວມມືດ້ານວິຊາການຂອງ FAO ເພື່ອຍົກລະດັບຄວາມອາດສາມາດໃນການສ້າງຂໍ້ມູນການບໍລິໂພກອາຫານຢູ່ລະດັບປະເທດເພື່ອປະກອບສ່ວນໃນການສ້າງນະໂຍບາຍແບບອີງໃສ່ຂໍ້ມູນທີ່ເປັນຫຼັກຖານພິສູດຈາກການຄົ້ນຄວ້າວິທະຍາສາດ. ໃນການຝຶກອົບຮົມຄັ້ງນີ້ມີຜູ້ເຂົ້າຮ່ວມທັງໝົດ 25 ທ່ານ ເຊິ່ງເປັນຕົວແທນຈາກພາກສ່ວນຕ່າງໆທີ່ກ່ຽວຂ້ອງພາຍໃນກະຊວງສາທາລະນະສຸກເຊັ່ນ: ສະຖາບັນສາທາລະນະສຸກສາດ ແລະ ການແພດເຂດຮ້ອນ, ສູນໂພຊະນາການ, ກົມອະນາໄມ ແລະ ສົ່ງເສີມສຸຂະພາບ, ແລະ ມະຫາວິທະຍາໄລວິທະຍາສາດສຸຂະພາບ. ການຝຶກອົບຮົມຄັ້ງນີ້ນຳພາໂດຍທີມປະເມີນໂພຊະນາການຂອງຂະແໜງອາຫານ ແລະ ໂພຊະນາການ ສຳນັກງານໃຫຍ່ອົງການອາຫານ ແລະ ການກະເສດ ຢູ່ໂຣມ, ປະເທດອິຕາລີ ແລະ ມີບາງຫົວຂໍ້ການຝຶກອົບຮົມແມ່ນບັນຍາຍໂດຍຊ່ຽວຊານດ້ານໂພຊະນາການ, ຊ່ຽວຊານດ້ານອາຫານປອດໄພ ແລະ ຊ່ຽວຊານດ້ານນະໂຍບາຍ.

ນະຄອນປາກເຊ, ສປປ ລາວ - ລັດຖະບານ ສປປ ລາວ ໄດ້ຈັດພິທີເປີດໂຕ ແຜນພັດທະນາສົ່ງເສີມການສົ່ງອອກກາເຟລາວ ໃນມື້ນີ້. ແຜນພັດທະນາດັ່ງກ່າວ ແມ່ນສຸມໃສ່ການເພີ່ມຜະລິດຕະພາບ ແລະ ຄວາມຍືນຍົງໃນການຜະລິດ ແລະ ການປຸງແຕ່ງ ແລະ ທັງເພີ່ມຂີດຄວາມສາມາດຂອງຜູ້ສົ່ງອອກກາເຟລາວ, ປັບປຸງສະພາບເສດຖະກິດ ແລະ ຮັບປະກັນຊີວິດການເປັນຢູ່ຂອງປະຊາຊົນຢູ່ເຂດຊົນນະບົດໃຫ້ດີຂື້ນ.

ນະຄອນຫຼວງວຽງຈັນ, 2 ມິຖຸນາ 2021 - ໃນມື້ນີ້, ກະຊວງກະສິກຳ ແລະ ປ່າໄມ້ (MAF), ໂດຍຮ່ວມມືກັບບັນດາກະຊວງທີ່ກ່ຽວຂ້ອງ ແລະ ອົງການ ສປຊ (UN), ໄດ້ຈັດ ກອງປະຊຸມລະດັບຊາດກ່ຽວກັບລະບົບສະບຽງອາຫານ 2021 ຂຶ້ນ ເພື່ອກະກຽມໃຫ້ແກ່ ກອງປະຊຸມສຸດຍອດລະບົບສະບຽງອາຫານໂລກ 2021. ກອງປະຊຸມລະດັບຊາດນີ້ຮ່ວມເປັນປະທານໂດຍ ລັດຖະມົນຕິກະຊວງກະສິກຳ ແລະ ປ່າໄມ້, ພະນະທ່ານ ປອ. ເພັດ ພົມພິພັກ, ແລະ ທ່ານນາງ ຊາຣາ ເຊັກເກນເນສ, ຜູ້ປະສານງານອົງການ ສປຊ ປະຈຳ ສປປ ລາວ, ທີ່ໄດ້ລວບລວມເອົາຄູ່ຮ່ວມງານທີ່ຫຼາກຫຼາຍຈາກທຸກລະດັບຂອງລະບົບສະບຽງອາຫານພາຍໃນປະເທດ ແລະ ເນັ້ນໜັກໃສ່ການປຶກສາຫາລືກັນຢ່າງຮອບດ້ານລະຫວ່າງຄູ່ຮ່ວມງານ ເພື່ອກະກຽມໃຫ້ແກ່ກອງປະຊຸມສຸດຍອດໃນປີນີ້.

ກະຊວງກະສິກໍາ ແລະ ປ່າໄມ້ ທີ່ ສປປລາວ ໄດ້ຈັດກອງປະຊຸມ ລິເລີ່ມ ແຜນງານ ໃນການຮ່ວມມື (Hand In Hand) ຮ່ວມກັບ ອົງການອາຫານ ແລະ ການກະເສດແຫ່ງສະຫະປະຊາຊາດ ແລະ ຄູ່ຮ່ວມພັດທະນາ.

ວັນທີ 12 ພືດສະພາ 2021, ທີ່ ນະຄອນຫຼວງວຽງຈັນ - ລັດຖະມົນຕີ ກະຊວງກະສິກໍາ ແລະ ປ່າໄມ້ ໄດ້ເຮັດວຽກຮ່ວມກັບ ອົງການອາຫານ ແລະ ການກະເສດ ແຫ່ງສະຫະປະຊາດ (FAO) ເພື່ອເລັ່ງ ຈັດກອງປະຊຸມລິເລີ່ມແຜນງານ ໃນການຮ່ວມມື ດ້ານກະສິກໍາ ແລະ ພັດທະນາເຂດຊົນນະບົດ ແບບຢືນຢົງ ໃນ ສປປ ລາວ (Hand In Hand). ໃນວັນພຸດ ກອງປະຊຸມໄດ້ຈັດຂຶ້ນຢ່າງເປັນທາງການ ໂດຍການເປັນປະທ່ານຮ່ວມ ລະຫວ່າງ ອົງການອາຫານ ແລະ ການກະເສດແຫ່ງສະຫະປະຊາຊາດ (FAO) ແລະ ລັດຖະບານ ແຫ່ງ ສປປ ລາວ ທີ່ນະຄອນຫຼວງວຽງຈັນ.