ຄົ້ນຫາ

ລັດຖະບານ ສປປ ລາວ ລົງມືຈັດຕັ້ງປະຕິບັດເເຜນການສັກວັກຊິນ ໂດຍສຸມໃສ່ກຸ່ມຄົນທີ່ມີຄວາມສ່ຽງສູງທີ່ສຸດ ເພື່ອເປັນບາດກ້າວຕໍ່ໄປໃນການຢຸດຕິການເເຜ່ລະບາດຂອງພະຍາດໂຄວິດ-19

ນະຄອນຫຼວງວຽງຈັນ, 2 ເມສາ 2021 - ໃນມື້ນີ້ ສປປ ລາວ ໄດ້ເລີ່ມຕົ້ນການໃຫ້ບໍລິການສັກວັກຊີນກັນພະຍາດໂຄວິດ-19 ທີ່ໄດ້ຮັບຈາກໂຄງການການຮ່ວມມືເພື່ອວັກຊີນກັນພະຍາດໂຄວິດ-19 (COVAX Facility). ການໃຫ້ບໍລິການສັກວັກຊີນຄັ້ງນີ້ເເມ່ນໄດ້ຖືກຈັດຂື້ນຢູ່ທີ່ໂຮງໝໍມິດຕະພາບ ເປັນເວລາສອງມື້, ຈາກວັນທີ 2 ຫາ 3 ເມສາ, ເເລະ ຈະສຸມໃສ່ກຸ່ມຄົນທີ່ມີຄວາມສ່ຽງສູງທີ່ສຸດຕໍ່ການຕິດເຊື້ອພະຍາດໂຄວິດ-19 ແລະ ຜູ້ທີ່ມີແນວໂນ້ມທີ່ຈະເກີດອາການຮຸນແຮງຈາກການຕິດເຊື້ອ ຈຳນວນທັງໝົດປະມານ 4000 ຄົນ. ພາຍຫຼັງການໃຫ້ບໍລິການສັກວັກຊີນໃນຄັ້ງນີ້, ວັກຊີນເຫຼົ່ານີ້ຈະໄດ້ຖືກນຳໃຊ້ໃນໂຮງໝໍ 7 ແຫ່ງໃນນະຄອນຫລວງວຽງຈັນ ແລະ ໃນຂັ້ນແຂວງ.

ນະຄອນຫຼວງວຽງຈັນ, ວັນທີ 31 ມີນາ 2021 - ເມື່ອພິຈາລະນາບັນຫາທ້າທາຍຕ່າງໆທີ່ ສປປ ລາວ ກຳລັງປະເຊີນດ້ານການສະໜອງທຶນເຂົ້າໃນບູລີມາສິດດ້ານການພັດທະນາ, ໂດຍສະເພາະແມ່ນຜົນກະທົບທາງເສດຖະກິດອັນຕໍ່ເນື່ອງຈາກ ພະຍາດໂຄວິດ-19, ລັດຖະບານ ໂດຍຜ່ານການຮ່ວມມືກັບ ອົງການ ສປຊ ໃນມື້ນີ້ໄດ້ລິເລີ່ມແຜນຮ່ວມມື ເພື່ອສ້າງຄວາມເຂັ້ມແຂງເພີ່ມຕື່ມໃຫ້ແກ່ການສະໜອງທຶນຕໍ່ ແຜນພັດທະນາເສດຖະກິດ-ສັງຄົມແຫ່ງຊາດຄັ້ງທີ 9 ແຕ່ປີ 2021-2025.

• ໃນວັນທີ 26 ກຸມພາ 2021, ກົມອົງການຈັດຕັ້ງສາກົນ, ກະຊວງການຕ່າງປະເທດ ຮ່ວມກັບ ຫ້ອງການຜູ້ປະສານງານອົງການສະຫະປະຊາຊາດ (ສປຊ) ປະ​ຈຳ ສປປ ລາວ, ໄດ້ຈັດກອງປະຊຸມວິຊາການຄະນະກໍາມະການຊີ້​ນຳຮ່ວມລະຫວ່າງ ລັດຖະບານ ແຫ່ງ ສປປ ລາວ ແລະ ອົງການສະຫະປະຊາຊາດ ຢູ່ທີ່ ສູນການຝຶກອົບຮົມ ແລະ ການຮ່ວມມື (ICTC), ນະຄອນຫຼວງວຽງຈັນ