ທີມງານຂອງພວກເຮົາໃນ ສປປ ລາວ

ທ່ານ ບັກໂຮເດຍ ເບີຄະນອ໋ຟ (ອຸຊເບກິສຖານ) ໄດ້ເລີ່ມເຮັດວຽກໃຫ້ກັບອົງການສະຫະປະຊາຊາດນັບຕັ້ງແຕ່ປີ 1998 ໂດຍເລີ່ມຈາກການເປັນພະນັກງານວິຊາການ ໃຫ້ກັບອົງການສະຫະປະຊາຊາດເພືອການພັດທະນາອຸດສະຫະກຳ (UNIDO).

ກ່ອນທີ່ຈະໄດ້ຮັບການແຕ່ງຕັ້ງໃຫ້ເປັນຜູ້ປະສານງານອົງການສະຫະປະຊາຊາດ ປະຈຳ ສປປ ລາວ, ເພິ່ນໄດ້ດຳລົງຕຳແຫນ່ງເປັນຫົວຫນ້າຊີ້ນຳວຽກງານດ້ານຊັບພະຍາກອນມະນຸດ, ກົດໝາຍ, ການເງິນ ແລະ ການຄຸ້ມຄອງ ຢູ່ຫ້ອງການປະສານງານກາພັດທະນາຂອງອົງການສະຫະປະຊາຊາດ (DCO) ທີ່ນະຄອນນິວຢອກ, ສະຫະລັດອາເມລິກາ.

ໃນເດືອນທັນວາປີ 2018 ເພິ່ນໄດ້ຖືກແຕ່ງຕັ້ງເປັນຜູ້ຕາງຫນ້າອົງການສະຫະປະຊາຊາດ ເພື່ອການພັດທະນາ (UNDP) ສຳລັບປະເທດໃນຫມູ່ເກາະປາຊີຟິກເຊິ່ງມີຫ້ອງການຕັ້ງຢູ່ໃນຟິຈິ ໃນນັ້ນຮວມມີ: ສະຫະພັນທະລັດໄມໂຄຮເນເຊຍ, ຟິຈິ, ຄິຣິບາຕິ, ຫມູ່ເກາະມາຊາລ, ນາອູຣູ, ປາໂລ, ຫມູ່ເກາະໂຊໂລມອນ, ທອງກາ, ຕູວາລູ ແລະ ວານູອາຕູ. ຕັ້ງແຕ່ປີ 2016 ຫາ ປີ 2018 ເພິ່ນໄດ້ດຳລົງຕຳແໜ່ງເປັນຜູ້ອຳນວຍການຂອງຫ້ອງການປະຈຳພາກພື້ນປາຊີຟິກໃນປະເທດຟິຈິ ແລະ ໄດ້ດຳລົງຕຳແຫນ່ງເປັນຫົວຫນ້າແຜນງານ ແລະ ນະໂຍບາຍລະດັບພູມິພາກປາຊີຟິກ ຂອງອົງການ UNDP (ຮັບຜິດຊອບ 10 ປະເທດໃນຫມູ່ເກາະປາຊີຟິກ ຊຶ່ງ ຮວມມີ: ປະເທດປາປົວນິວກີນີ, ຊາມົວ, ຫມູ່ເກາະຄຸກ, ນີອຸຍ ແລະ ໂຕເກໂລ)

ລະຫວ່າງປີ 2011-2016, ເພິ່ນໄດ້ຮັບຕຳແຫນ່ງເປັນຮອງຜູ້ອຳນວຍການຂອງອົງການ UNDP ປະຈຳປະເທດໃນຫວຽດນາມ. ປີ 2008 ຫາ 2011 ເພິ່ນໄດ້ດຳລົງຕຳແຫນ່ງເປັນຮອງຜູ້ຕາງຫນ້າອົງການ UNDP ປະຈຳປະເທດບູຖານ. ກ່ອນຫນ້ານັ້ນ ເພິ່ນໄດ້ດຳລົງຕຳແໜ່ງທີ່ປຶກສາດ້ານຜູ້ໃຫ້ທຶນທີ່ສຳນັກງານໃຫຍ່ຂອງອົງການ UNDP ໃນນະຄອນນິວຢອກ (2004-2008) ຮັບຜິດ ຊອບບັນດາຜູ້ໃຫ້ທຶນຈາກປະເທດ ເນເທີແລນ, ນໍເວ, ສະວີເດນ, ເດັນມາກ, ຟິນແລນ, ອົດສະຕາລີ, ນິວຊີແລນ ແລະ ສາທາລະນະລັດເກົາຫລີ.

ຕຳແໜ່ງອື່ນໆຂອງເພິ່ນຮວມມີ: ຜູ້ຊ່ວຍຜູ້ຕາງຫນ້າ ປະຈຳປະເທດປາປົວນິວກີນີ ແລະ ຜູ້ຊ່ຽວຊານດ້ານໂຄງການທີ່ສຳນັກງານໃຫຍ່ ຂອງອົງການ UNDP ໃນນະຄອນນິວຢອກ ຮັບຜິດຊອບປະເທດອັບການິດສະຖານ.
ທ່ານ ບັກໂຮເດຍໄດ້ສຳເລັດການສຶກສາລະດັບປະລິນຍາໂທສາຂາບໍລິຫານທຸລະກິດ ແລະ ປະລິນຍາຕີ (ກຽດສະນີຍະບັດ) ສາຂາລັດຖະສາດ ແລະ ການພົວພັນລະຫວ່າງປະເທດ. ເພິ່ນແຕ່ງງານມີລູກສາມຄົນ.

ທ່ານ ນາງ ເທີເຣີ ເປັນຜູ້ບໍລິຫານຂັັ້ນອາວຸໂສທີື່ປະສົບຄວາມສໍາເລັດ ຈາກປະເທດເບັນຊິກ ທີື່ມີປະສົບການຫຼາຍກວ່າ 20 ປີໃນການເຮັດວຽກໃນລະບົບສະຫະປະຊາຊາດ ທີື່ສໍານັກງານໃຫຍ່ ແລະ ປະຈໍາພາກສະໜາມ ພ້ອມທັງຍຸດທະສາດການວາງແຜນ ຮວມທັງການວາງແຜນການພັດທະນາຂອງ ສປຊ ແລະ ຂອບການປະຕິບັດງານຂອງແຜນງານໂຄງການ, ຂັັ້ນຕອນ ແລະ ເຄື່ຶອງມື ໃນຂັັ້ນປະເທດ, ດ້ວຍຄວາມສາມາດທີື່ຈະສ້າງຄວາມຮ່ວມມື ຈາກແຜນງານໂຄງການຮ່ວມ ແລະ ຮ່ວມກັບພາກສ່ວນທີື່ກ່ຽວຂູ້ອງທີ່ກວ້າງ ຂວາງ.

ທ່ານ ນາງ ເທີເຣີ ຍັງມີປະສົບການໃນການນໍາພາວຽກງານນະໂຍບາຍລະດັບສູງ ແລະ ການຮ່ວມມ ກັບຄູ່ຮ່ວມພັດທະນາທີ່ກວ້າງ ຂວາງ ຮວມທັງອໍານາດການປົກຄອງຂັັ້ນທ້ອງຖິ່ນ ແລະ ລະດັບຊາດ, ຄູ່ຮ່ວມມື, ຜູ້ໃຫ້ທຶນ, ພາກເອກະຊົນ, ແລະ ພາກວິຊາການ. ນອກນັັ້ນ ເພີ່ນຍັງໄດ້ສົົ່ງເສີມ ແລະ ໃຫ້ການສະໜັບສະໜນູນການພັດທະນາແບບຍືນຍົງ ດ້ານຍຸດທະສາດທີ່ສອດຄ່ອງກັບວາລະ 2030 ແລະ ເປົົ້າໝາຍການພັດທະນາແບບຍືນຍົງກ່ຽວກັບວຽກງານການພັດທະນາແບບມີສ່ວນຮ່ວມ, ການປົກຄອງ, ກົດໝາຍ, ສິ່ງແວດລ້ອມ, ການປ່ຽນແປງດິນຟ້າອາກາດ, ການຈັດການຄວາມສ່ຽງຈາກໄພພິບັດ, ຄວາມສະເໝີພາບຍິງ-ຊາຍ ແລະ ສົົ່ງເສີມບົດບາດຂອງແມ່ຍິງ, ນະວັດຕະກໍາ ແລະ ການເງີນເພຶ່ອສົົ່ງເສີມການພັດທະນາແບບຍືນຍົງ. ເພີ່ນຍັງໄດ້ສະໜັບສະໜນູນການລະດົມທຶນຂອບການເງິນແຫ່ງຊາດແບບເຊື່ອມສານ (Integrated National Financing Framework – INFF) ແລະ ຂັັ້ນຕອນການຫັນເປັນດິຈິຕ້ອນ ແລະ ເຊື່ອໝັັ້ນໃນການສົົ່ງເສີມການຮ່ວມມືແບບໃຕ້-ໃຕ້ (South-South Cooperation).

ທ່ານ ນາງ ເທີເຣີ ຍັງເຄີຍປະຕິບັດໜ້າທີ່ໃນສະຖານະການທີ່ເປາະບາງ ແລະ ປະສົບວິກິດການ, ພ້ອມທັງສະພາວະການເມືອງທີ່ຊັບ ຊ້ອນ ດ້ວຍຄວາມເຂົັ້າໃຈທີ່ດີ ແລະ ປະສົບການດ້ານວຽກງານດ້ານມະນຸດສະທໍາ, ການພັດທະນາ, ບັນຫາດ້ານວຽກງານການຮັກສາຄວາມສະຫງົບ ແລະ ການຟື້ນຟູ ແລະ ວິເຄາະຄວາມຕ້ອງການຫຼັງການປະສົບໄພພິບັດ ຮວມທັງການເສີມສ້າງຄວາມເຂັັ້ມແຂງເພຶ່ອການຮັບມື ແລະ ການປົກຄອງ ເພື່ອປ້ອງກັນບໍໍ່ໃຫ້ເກີດຄວາມສ່ຽງຈາກໄພພິບັດ.

ທ່ານ ນາງ ເທີເຣີ ໄດ້ຮັບໃຊ້ໃນຕໍາແໜ່ງຮອງຜູ້ຕາງໜ້າ ທີ່ປະເທດໂມຣົກໂກ ແລະ ໄດ້ຮັບໜນ້າທີ່ອາວຸໂສຂອງອົງການ ທັງໃນປະເທດ ຕຸນີເຊຍ, ຮາອິຕິ, ໄນຈີເຣຍ ແລະ ສໍານັກງານໃຫຍ່ ແລະ ສໍານັກງານເລຂາທິການໃຫຍ່ທີ່ນະຄອນ ນິວຢອກ ແລະ ໄດ້ສໍາເລັດການສຶກສາຂັັ້ນປະລິນຍາໂທ ດ້ານວັນນະຄະດີ ແລະ ດ້ານການຂ່າວ ແລະ ການສື່່ສານ ຈາກມະຫາວິທະຍາໄລ Université de Liege ແລະ Université libre de Bruxelles, ປະເທດເບັນຊິກ.

ດຣ ທິມໂມຕີ ອາມສະຕຣອງ ມາຈາກລັດນິວເຊົາເວວ, ປະເທດອົດສະຕາລີ, ເປັນຜູ້ຊ່ຽວຊານທີ່ມີປະສົບການຫຼາຍກວ່າ 30 ປີ ໃນຂົງເຂດການທູດເພື່ອສົ່ງເສີມວຽກງານສາທາລະນະສຸກ ແລະ ຂົງເຂດພະຍາດຊຳເຮື້ອ. ຫຼັງຈາກທີ່ໄດ້ເຮັດວຽກກັບຫຼາຍອົງກອນທີ່ເຮັດວຽກໃນຂົງເຂດນະໂຍບາຍກ່ຽວກັບສຸຂະພາບ ເປັນເວລາ 4 ປີ, ດຣ ທິມໂມຕີ ອາມສະຕຣອງ ໄດ້ເຂົ້າເຮັດວຽກກັບອົງການອະນາໄມໂລກໃນປີ 2002 ໂດຍໄດ້ລົງເລິກຂົງເຂດພະຍາດຊຳເຮື້ອ.

ດຣ ທິມໂມຕີ ອາມສະຕຣອງ ໄດ້ເຮັດວຽກຢູ່ອົງການອະນາໄມໂລກມາເປັນເວລາ 22 ປີແລ້ວ ເຊິ່ງທ່ານໄດ້ປະຈຳການຢູ່ສຳນັກງານໃຫຍ່ຂອງອົງການອະນາໄມໂລກ ທີ່ ເຊີແນວ, ປະເທດສະວິດເຊີແລນ ເປັນວິຊາການຮັບຜິດຊອບວຽກງານພະຍາດຊຳເຮື້ອ, ຜູ້ປະສານງານ ວຽກງານພະຍາດຊຳເຮື້ອ ແລະ ສົ່ງເສີມສຸຂະພາບ, ຫົວໜ້າໜ່ວຍງານ ຍຸດທະສາດສາກົນ ກ່ຽວກັບການສົ່ງເສີມໂພຊະນາການ, ການອອກກຳລັງກາຍ ແລະ ສຸຂະພາບ ແລະ ຫົວໜ້າກອງເລຂາໃຫ້ແກ່ຄະນະກຳມາທິການຂັ້ນສູງຂອງອົງການອະນາໄມໂລກ ວ່າດ້ວຍການຫຼຸດຜ່ອນພະຍາດອ້ວນໃນເດັກ. ນັບແຕ່ປີ 2015, ດຣ ທິມໂມຕີ ອາມສະຕຣອງ ກໍໄດ້ດຳລົງຕຳແໜ່ງເປັນ ຫົວໜ້າພະແນກກົນໄກການພົວພັນກັບປະເທດສະມາຊິກ ເຊິ່ງໃນການດຳລົງຕຳແໜ່ງດັ່ງກ່າວ, ດຣ ທິມໂມຕີ ອາມສະຕຣອງ ໄດ້ຮັບຜິດຊອບວຽກງານທີ່ຕິດພັນກັບກອງປະຊຸມສະມັດຊາໃຫຍ່ອົງການອະນາໄມໂລກ ແລະ ຄະນະບໍລິຫານງານສູງສຸດຂອງອົງການອະນາໄມໂລກ ເຊິ່ງທ່ານໄດ້ຊີ້ນຳວຽກງານການພົວພັນວຽກງານທີ່ເປັນຍຸດທະສາດກັບບັນດາປະເທດສະມາຊິກຂອງອົງການອະນາໄມໂລກ 194 ລັດ ໃນຂັ້ນສູງສຸດ ພ້ອມທັງຄຸ້ມຄອງການດຳເນີນບັນດາກົນໄກ ແລະ ໂຄງຮ່າງຈັດຕັ້ງການບໍລິຫານຂັ້ນສູງອື່ນໆຂອງອົງການອະນາໄມໂລກ.

ໃນວຽກງານການທູດເພື່ອສົ່ງເສີມວຽກງານສາທາລະນະສຸກ, ດຣ ທິມໂມຕີ ອາມສະຕຣອງ ໄດ້ຊີ້ນຳວຽກງານທີ່ຕິດພັນກັບການພົວພັນກັບບັນດາລັດສະມາຊິກ ແລະ ການທູດ ເພື່ອວາງທິດທາງຍຸດທະສາດໃຫ້ແກ່ວາລະວຽກງານສາທາລະນະສຸກສາກົນ. ທ່ານໄດ້ເນັ້ນໃສ່ການຮັບປະກັນໃຫ້ບັນດາລັດສະມາຊິກທີ່ມີລາຍຮັບຕ່ຳຫາປານກາງ ໄດ້ມີສ່ວນຮ່ວມໃນວາລະການຕັດສິນນະໂຍບາຍສາທາລະນະສຸກລະດັບສາກົນ ແລະ ສຸມໃສ່ສະໜັບສະໜູນໃຫ້ບັນດາປະເທດສະມາຊິກເປັນເອກະພາບໃນການຕັດສິນໃຈຮ່ວມກັນດ້ານວິຊາການ ແລະ ການເມືອງ ໃນບໍລິບົດທີ່ພູມສາດການເມືອງມີຄວາມສັບຊ້ອນ ແລະ ລະອຽດອ່ອນ. ໃນໄລຍະ 20 ປີທີ່ຜ່ານມາ, ດຣ ທິມໂມຕີ ອາມສະຕຣອງ ໄດ້ປະກອບສ່ວນໃນວຽກງານອັນຮີບດ່ວນໃນການເລັ່ງແກ້ໄຂຜົນກະທົບຈາກການປ່ຽນແປງດິນຟ້າອາກາດ ແລະ ການເສື່ອມໂຊມຂອງສິ່ງແວດລ້ອມທີ່ເພີ່ມທະວີຄວາມໄວ ແລະ ຮຸນແຮງຂຶ້ນນັບມື້ ພ້ອມທັງເປັນໄພຂົ່ມຂູ່ອັນຮ້າຍແຮງທີ່ສຸດຕໍ່ກັບສຸຂະພາບຂອງຄົນເຮົາ.

ໃນຂົງເຂດພະຍາດຊຳເຮື້ອ, ດຣ ທິມໂມຕີ ອາມສະຕຣອງ ໄດ້ນຳພາການດຳເນີນການຄົ້ນຄວ້າ ກ່ຽວກັບ ປັດໄຈສ່ຽງຕໍ່ພະຍາດຊຳເຮື້ອ ໃນຫຼາຍກວ່າ 50 ປະເທດທົ່ວໂລກ ແລະ ຍັງໄດ້ສະໜັບສະໜູນບັນດາຍຸດທະສາດທີ່ຕິດພັນກັບການຫຼຸດຜ່ອນພະຍາດອ້ວນໃນເດັກ ແລະ ການອອກກຳລັງກາຍ ໃນທົ່ວທຸກພາກພື້ນຂອງອົງການອະນາໄມໂລກ.

ຕະຫຼອດການດຳລົງຕຳແໜ່ງຂອງ ດຣ ທິມໂມຕີ ອາມສະຕຣອງ, ທ່ານໄດ້ຖືເປັນບູລິມະສິດການສະໜັບສະໜູນບັນດາປະເທດສະມາຊິກຂອງອົງການອະນາໄມໂລກ. ທ່ານໄດ້ລົງເຮັດວຽກຢູ່ຫຼາຍກວ່າ 80 ປະເທດ (ລວມທັງປະເທດພາຍໃນທະວີບອາຊີ) ເຊິ່ງທ່ານໄດ້ສຸມໃສ່ການສະໜັບສະໜູນການສ້າງ ແລະ ຈັດຕັ້ງປະຕິບັດຍຸດທະສາດ, ນະໂຍບາຍ ແລະ ແຜນງານທີ່ຈັດຕັ້ງປະຕິບັດໄດ້ຈິງ, ມີເປົ້າໝາຍທີ່ບັນລຸໄດ້ຈິງ ແລະ ເນັ້ນໜັກໃຫ້ການຈັດຕັ້ງປະຕິບັດເກີດໝາກຜົນເປັນຈິງ ເຊິ່ງນີ້ເປັນສິ່ງທີ່ເຮັດໃຫ້ເພິ່ນຍຶດໝັ້ນໃນເປົ້າໝາຍຂອງອົງການອະນາໄມໂລກ ຍ້ອນວ່າການຊ່ວຍເຫຼືອທາງວິຊາການຈາກອົງການອະນາໄມໂລກຈະເກີດໝາກຜົນອັນດີຕໍ່ບັນດາປະເທດສະມາຊິກໄດ້ ກໍຕໍ່ເມື່ອການຊ່ວຍເຫຼືອນັ້ນສອດຄ່ອງກັບວຽກງານທີ່ເປັນບູລິມະສິດຂອງບັນດາປະເທດສະມາຊິກ.

ດຣ ທິມໂມຕີ ອາມສະຕຣອງ ໄດ້ກວດແກ້ສິ່ງພິມ ເປັນຕົ້ນ ບັນດາບົດຄົ້ນຄວ້າ ແລະ ວາລະສານວິຊາການ ໃນຂົງເຂດລະບາດວິທະຍາດ້ານພັນທຸກຳ, ການເຝົ້າລະວັງພະຍາດ, ການທູດເພື່ອສົ່ງເສີມວຽກງານສາທາລະນະສຸກ ແລະ ການບໍລິຫານວຽກງານສາທາລະນະສຸກສາກົນ. ດຣ ທິມໂມຕີ ອາມສະຕຣອງ ຈົບການຄົ້ນຄວ້າລະດັບປະລິນຍາເອກ ໃນສາຂາລະບາດວິທະຍາດ້ານພັນທຸກຳ ແລະ ປະລິນຍາຕີວິທະຍາສາດ ໂດຍໄດ້ຮັບກຽດນິຍົມອັນດັບ 1 ໃນສາຂາວິຊາ ລະບາດວິທະຍາດ້ານພຶດຕິກຳຂອງປະຊາກອນ, ພັນທຸກຳ ແລະ ສັງຄົມ ຈາກມະຫາວິທະຍາໄລນິວອິງແລນ, ປະເທດອົດສະຕຣາລີ.

ທ່ານ ອາວີ ຊາກາ (ອິນເດຍ) ເປັນທີ່ປຶກສາພາກພື້ນເຊິ່ງກວມເອົາອາຊີຕາເວັນອອກສ່ຽງໃຕ້ສຳຫລັບ ອົງການສະຫະປະຊາຊາດ ເພື່ອການຕັ້ງຖິ່ນຖານ ຂອງມະນຸດ. ນອກເໜືອຈາກການເປັນຕົວແທນຂອງ ອົງການສະຫະປະຊາຊາດ ເພື່ອການຕັ້ງຖິ່ນຖານ ຂອງມະນຸດ ໃນ ສປປ ລາວ, ດຣ ຊາກາ ຍັງເປັນຫົວໜ້າ ໂຄງການພື້ນຖານດ້ານການບໍລິການຕົວເມືອງໃນພາກພື້ນອາຊີຕາເວັນອອກສ່ຽງໃຕ້. ກ່ອນໜ້ານີ້ລາວໄດ້ເຮັດວຽກເປັນຜູ້ປະສານງານພາກພື້ນສຳລັບພາກພື້ນອາຊີຕາເວັນອອກສ່ຽງໃຕ້ ສຳລັບການຊ່ວຍເຫຼືອຂອງປະຊາຊົນນອກແວ ແລະ ຍັງໄດ້ເຮັດວຽກໃນພາກເອກະຊົນເປັນນັກວິເຄາະໃນກຸ່ມບໍລິຫານກອງທຶນ. ດຣ ຊາກາ ຈົບປະລິນຍາເອກດ້ານການບໍລິຫານ ແລະ ປະລິນຍາໂທສອງສາຂາ ບໍລິຫານທຸລະກິດ ແລະ ເສດຖະກິດສິ່ງແວດລ້ອມ. ລາວຍັງມີກຽດນິຍົມທາງດ້ານຟີຊິກສາດ.

ທ່ານ ນ. ຄິມ, ສັນຊາດ ສ. ເກົາຫລີ, ຜູ້ຕາງຫນ້າອົງການອາຫານ ແລະ ກະສິກຳ (FAO) ປະຈຳ ສປປ ລາວ. ລາວໄດ້ສຳເລັດການສຶກສາລະດັບປະລິນຍາໂທສາຂາການບໍລິຫານເອກະຊົນ ຈາກລັດເທັກຊັດ, ສະຫະລັດອາເມລິກາ ແລະ ປະລິນຍາໂທສາຂາສິນລະປະສາດ ເອກວັນນະຄະດີອັງກິດ ຈາກ ມະຫາວິທະຍາໄລເກົາຫຼີ ທີ່ ສາທາລະນະລັດເກົາຫຼີ.

ທ່ານ ນ. ຄິມມີປະສົບການຢ່າງກ້ວາງຂວາງໃນຂົງເຂດ ກະສິກຳ ແລະ ການພັດທະນາຊົນນະບົດ. ກ່ອນທີ່ຈະມາຮ່ວມວຽກກັບ FAO ລາວໄດ້ດຳລົງຕຳແໜ່ງເປັນຜູ້ອຳນວຍການອາວຸໂສໃນກະຊວງກະສິກຳ, ອາຫານ ແລະ ການພັດະນາຊົນນະບົດ ໃນແຂວງເຊຈອງ, ສາທາລະນະລັດເກົາຫຼີ ຕັ້ງແຕ່ເດືອນພຶດສະພາ ປີ2023.

ທ່ານ ນ. ຄິມ ໄດ້ເລີ່ມຕົ້ນການເຮັດວຽກໃນປີ 1993 ໂດຍການເປັນຄູສອນ ທີ່ ມະຫາວິທະຍາໄລໃນສາທາລະນະລັດເກົາຫລີ. ປີ 2002 ຫາ 2011 ເປັນຮອງຜູ້ອຳນວຍການໃນກະຊວງກະສິກຳ, ອາຫານ ແລະ ການພັດທະນາຊົນນະບົດ ໃນ ວັກຈີອອນ, ສາທາລະນະລັດເກົາຫຼີ. ປີ 2011 ເປັນຫົວຫນ້າພະແນກກະສິກຳ, ສະບຽບອາຫານ ແລະ ການພັດທະນາຊົນນະບົດໃນແຂວງ ເຊຈອງ, ສ. ເກົາຫລີ. ລະຫວ່າງປີ 2013 ຫາ 2020 ເປັນຜູ້ອຳນວຍການອາວຸໂສ ຂອງພະແນກກະສິກຳການຄ້າ ທີ່ກະຊວງກະສິກຳ, ອາຫານ ແລະ ການພັດທະນາຊົນນະບົດ ຢູ່ແຊວງເຊຈອງ, ສ. ເກົາຫຼີ. ປີ2020 ຫາ 2023 ເປັນພະນັກງານວິຊາການອາວຸໂສຢູ່ທີ່ພະແນກຮ່ວມມີ ແລະ ຊັບພະຍາກອນ ຂອງອົງການອາຫານໂລກ (WFP) ທີ່ກຸງໂຣມ, ປະເທດອິຕາລີ

ທ່ານນາງ ຊາຣີນ ຕຸລາດາ ໄດ້ຖືກແຕ່ງຕັ້ງໃຫ້ເປັນຫົວໜ້າຄະນະ ອົງການຈັດຕັ້ງສາກົນ ເພື່ອການເຄື່ອນຍ້າຍຖິ່ນຖານ ປະຈຳ ສປປ ລາວ ໃນເດືອນມິຖຸນາປີ 2020. ກ່ອນທີ່ຈະລົງປະກາດໃນ ສປປ ລາວ, ທ່ານນາງໄດ້ເຮັດວຽກເປັນຊ່ຽວຊານລະດັບຊາດກ່ຽວກັບການປະເມີນຜົນໄລຍະກາງສຳລັບໂຄງການຄ້າມະນຸດທີ່ໄດ້ຮັບທຶນຈາກ USAID. ນາງຍັງໄດ້ເຂົ້າຮ່ວມຢ່າງຈິງຈັງໃນການຄົ້ນຄວ້າກ່ຽວກັບການເຄື່ອນຍ້າຍແຮງງານ ແລະ ການຄ້າມະນຸດໃນປະເທດ ເນປານ. ແຕ່ປີ 2010 ຫາປີ 2015, ນາງເປັນຜູ້ບໍລິຫານໂຄງການທີ່ສຳນັກງານອົງການມູນນິທິເອເຊຍ ຂອງເນປານ ທີ່ມີຜົນງານຫຼາຍດ້ານໃນການຄຸ້ມຄອງການຄ້າມະນຸດ ແລະ ໂຄງການເຄື່ອນຍ້າຍທີ່ປອດໄພທີ່ໄດ້ຮັບທຶນສະໜັບສະໜູນຈາກ USAID. ກ່ອນນີ້, ນາງໄດ້ເຮັດວຽກໃຫ້ບໍລິສັດຄົ້ນຄ້ວາໃນປະເທດ ເນປານ ທີ່ສຸມໃສ່ສຸຂະພາບສາທາລະນະ. ທ່ານນາງ ຕຸລາດາ ໄດ້ຮັບປະລິນຍາໂທສາຂາ ທຸລະກິດສາກົນ ໂດຍເນັ້ນໜັກດ້ານເສດຖະກິດ.

ທ່ານ ນາງ ມະນິດດາ ສິດທິມໍລະດາ ເປັນຜູ້ປະສານງານປະຈຳປະເທດ ຂອງໂຄງການອາສາສະໝັກ ແຫ່ງສະຫະປະຊາຊາດ ໃນ ສປປ ລາວ ໃນປີ 2020. ລາວມີປະສົບການເຮັດວຽກຫຼາຍປີ ໃນຫຼາຍພາກສ່ວນ ລວມເຖິງອົງການຈັດຕັ້ງສາກົນ, ອົງການບໍ່​ຂຶ້ນ​ກັບ​ລັດ​ຖະ​ບານທ້ອງຖິ່ນ ແລະ ພາກເອກະຊົນ. ​ລາວໃຊ້ເວລາຫຼາຍກວ່າ 10 ປີ (2003 - 2015) ເຮັດວຽກນຳອົງການພັດທະນາສາກົນອົດສະຕາລີ (ປະຈຸບັນແມ່ນພະແນກການຕ່າງປະເທດ ແລະ ການຄ້າ) ໃນຂົງເຂດການສຶກສາຂັ້ນພື້ນຖານ ແລະ ​ການ​ສຶກ​ສາຂັ້ນສູງ ແລະ ໂຄງການ ພັດທະນາ ຊັບພະຍາກອນ ມະນຸດ. ລາວຍັງໄດ້ເຮັດວຽກເປັນທີ່ປຶກສາດ້ານການສື່ສານ ໃຫ້​ແກ່ທະນາຄານໂລກໃນປີ 2017 – 2019 ແລະ ກໍ່ໄດ້ຮັບ​ໜ້າ​ທີ່ເປັນ ຮອງປະທານມູນນິທິເຮືອນ​ເດັກ ໃນປີ 2018 ໃນຂະນະທີ່​ໄດ້​ປະ​ຈຳ​ການ ເປັນຜູ້ຈັດການ ທົ່ວໄປ ໃນບໍລິສັດເອກະຊົນ. ທ່ານ ນາງ ມານິດດາ ໄດ້ຈົບການສຶກສາ ດ້ານການພົວພັນສາກົນ ພາຍໃຕ້ທຶນການສຶກສາ ຂອງ​ປະ​ເທດອົດສະຕາລີ ແລະ ​ຈົບ​ດ້ານການພັດທະນາ ຊັບພະຍາກອນມະນຸດ ພາຍໃຕ້ທຶນ Fulbright ຂອງ​ປະ​ເທດ​ສະ​ຫະ​ລັດ​ອາ​ເມ​ລິ​ກາ​.

ທ່ານ ນ. ອີດາ ຄຣາຈາ ຫົວໜ້າຫ້ອງການອົງການສະຫະຊາຊາດເພື່ອການບໍລິການໂຄງການ (UNOPS) ປະຈຳປະເທດກຳປູເຈຍແລະ ສປປ ລາວ ຕັ້ງແຕ່ເດືອນຕຸລາ 2023. ລາວໄດ້ເຂົ້າຮ່ວມ ແລະ ຫ້ອງການຫມູ່ເກາະປາຊິຟິກ ດ້ວຍປະສົບການລະດັບມືອາຊີບ 15+ປີໃນພາກເອກະຊົນແລະການພັດທະນາ ເຊິ່ງສ່ວນໃຫຍ່ຢູ່ໃນ ໂດຍເນັ້ນໜັກໃນການຈັດການທາງການເງິນ ໂຄງສ້າງພື້ນຖານການພດທະນາຫຸ້ນສ່ວນ ແລະໂຄງການຄວາມຊ່ວຍເຫຼືອດ້ານເຕັກນິກ ໂດຍສະເພາະຢ່າງຍິ່ງໃນດ້ານໂຄງສ້າງພື້ນຖານດ້ານສຸຂະພາບແລະການຈັດການໂຄງການ ລາວມີປະຫວັດທີ່ພິສູດແລ້ວໃນການເພີ່ມປະສິດທິພາບການດຳເນີນທຸລະກິດ ຕະຫຼອດຈົນນຳທີມຂ້າມສາຍງານເພື່ອດຳເນີນໂຄງການທີ່ຊັບຊ້ອນໃນອາຊີແລະພູູມພາກປາຊິຟິກ

ທ່ານນາງເອດາເປັນຊາວອັລບາເນຍ/ສະວິດ ສຳເລັດການສຶກສາລະດັບປະລິນຍາທສາຂາບໍລິຫານທຸລະກິດໂດຍມຸ່ງເນັ້ນທີ່ເສດຖະສາດແລະການຈັດການຄວາມຮັ່ງມີຈາກມະຫາວິທະຍາໄລເຈນີວາ

ທ່ານ ນ. ແພັດທຣິກເຊຍ ອອ໋ງປິນ, ຜູ້ອຳນວຍການ UNAIDS ຂອງສຳນັກງານຫລາຍປະເທດ (ລາວ, ກຳປູເຈຍ ແລະ ມາເລເຊັຍ) ຕັ້ງແຕ່ເດືອນມິຖຸນາ ປີ 2022.

ທ່ານ ນ. ແພັດທຣິກເຊຍ ອອ໋ງປິນ, ຜູ້ຊ່ຽວຊານດ້ານການພັດທະນາສາກົນ ແລະ ສາທາລະນະສຸກທີ່ມີປະສົບການຫຼາຍກວ່າ 15 ປີ ໃນທົ່ວອາຊີ, ອາຟຣິກາ ແລະ ເອີຣົບ. ໃນຖານະທີ່ເປັນຜູ້ສະໜັບສະໜຸນທີ່ເຂັ້ມແຂງ ເພື່ອຄວາມເທົ່າທຽມ ແລະ ບໍ່ປະຖິ້ມໃຜໄວ້ທາງຫຼັງ, ລາວມີປະສົບການການເຮັດວຽກທີ່ຫລວງຫລາຍທາງດານການປະສານງານ ໂດຍເຫັນໄດ້ຈາກການຜົນງານທີ່ໄດ້ສຸມໃສ່ໃນວຽກງານການຮ່ວມືແບບມີສ່ວນຮ່ວມ ແລະ ຄວາມຍືນຍົງ.

ໃນຫວ່າງບໍ່ດົນມານີ້ ທ່ານ ນ. ອອ໋ງປິນ ໄດ້ຮັບຫນ້າທີ່ເປັນທີ່ປຶກສາລະດັບພາກພື້ນຂອງອົງການ UNAIDS ໃນອາຊີ ແລະ ປາຊີຟິກ. ກ່ອນໜ້ານີ້ ທ່ານ ນ. ອອ໋ງປິນ ຍັງໄດ້ເຄີຍເຮັດຫນ້າທີ່ເປັນທີ່ປຶກສາໃນປະເທດ ນາມີເບັຍ ແລະ ທີ່ປຶກສາທາງດ້ານຂໍ້ມູນຍຸດທະສາດ ຢູ່ທີ່ປະເທດຊີເຣັຍ.
ທ່ານ ນ. ອອ໋ງປິ:ພນ ເປັນຄົນສັນຊາດການາດາ, ສຳເລັດການສຶກສາລດັບປະລິນຍາໂທດ້ານການພົວພັນສາກົນ ແລະ ປະລິນຍາຕີສາຂາເສດຖະສາດ ແລະ ການພົວພັນສາກົນ.

ທ່ານ ບິລາລ ອູແຣັງ ເຊັບ ດູຣານິ ໄດ້ຮັບໜ້າທີ່ເປັນຜູ້ຕາງໜ້າ ອົງການຢູນິເຊັບ ປະຈໍາ ສາທາລະນະລັດ ປະຊາທິປະໄຕ ປະຊາຊົນລາວ (ສປປ ລາວ) ນັບຕັ້ງແຕ່ ເດືອນສິງຫາ ປີ 2024 ເປັນຕົ້ນມາ. ໃນບົດບາດ ຜູ້ຕາງໜ້າ ອົງການ, ທ່ານ ດູຣານິ ໄດ້ໜ້າທີ່ຮັບຜິດຊອບການນຳພາ ແລະ ການສະໜອງວິໄສທັດໃຫ້ແກ່ ອົງການຢູນິເຊັບ ປະຈໍາ ສປປ ລາວ ໃນການຈັດຕັ້ງປະຕິບັດວຽກງານສົ່ງເສີມ ແລະ ບັນລຸຜົນເພື່ອສິດທິເດັກ.
ກ່ອນທີ່ທ່ານຈະມາຮັບໜ້າທີ່ເປັນຜູ້ຕາງໜ້າ ອົງການຢູນິເຊັບ ປະຈຳ ສປປ ລາວ, ທ່ານ ດູຣານິ ໄດ້ດຳລົງຕຳແໜ່ງເປັນ ຜູ້ຕາງໜ້າ ອົງການຢູນິເຊັບ ປະຈຳ ຕີມໍ ເລສເຕ ແລະ ຫົວໜ້າ ອົງການຢູນິເຊັບ ປະຈຳ ສ.ເກົາຫຼີ.
ທ່ານ ດູຣານິ ພຽບພ້ອມໄປດ້ວຍປະສົບການທີ່ກວ້າງຂວາງເປັນເວລາ 20 ປີ ຈາກການເຮັດວຽກໃນຂົງເຂດການພັດທະນາ, ບໍ່ວ່າຈະກັບ ອົງການສະຫະປະຊາຊາດ ແລະ ອົງການ NGO ສາກົນ ແລະ ທ້ອງຖິ່ນ ໃນລະດັບສໍານັກງານໃຫຍ່ ໃນພາກພື້ນເອີຣົບ ແລະ ອາເມລິກາເໜືອ, ພ້ອມກັບປະສົບການຈາກການເຮັດວຽກໃນພາວະສຸກເສີນ ແລະ ທ້າທາຍ ໃນພາກພື້ນ ອາຊີ ແລະ ອາຟຣິກາ.
ທ່ານ ດູຣານິ ມີຄວາມຮູ້ດ້ານວິຊາການ ແລະ ມີປະສົບການສູງໃນການນຳພາທີມງານທີ່ມີຄວາມຫຼາກຫຼາຍ ແລະ ການບໍລິຫານງົບປະມານຂະໜາດໃຫຍ່, ພ້ອມຍັງມີຄວາມຊ່ຽວຊານເປັນພິເສດໃນການເສີມສ້າງພັນທະມິດ ເພື່ອລະດົມການຮ່ວມມື ແລະ ທຶນ ເພື່ອວຽກງານສົ່ງເສີມສິດທິເດັກ, ການບໍລິຫານໂຄງການ, ແລະ ການຕິດຕາມ ແລະ ປະເມີນຜົນ ໂດຍຜ່ານການຈັດຕັ້ງປະຕິບັດແຜນງານທີ່ມີນະວັດຕະກໍາ ແລະ ສຸມໃສ່ຜູ້ຄົນ ແລະ ຊຸມຊົນທີ່ໄດ້ຮັບຜົນປະໂຫຍດ.
ທ່ານ ດູຣານິ ໄດ້ຮັບລາງວັນລະດັບຊາດ ແລະ ສາກົນ ຫຼາຍລາງວັນ, ໃນນັ້ນມີ ລາງວັນກຽດຕິຍົດ ແຫ່ງຊາດສູງສຸດ ຈາກທ່ານປະທານາທິບໍດີ ຕີມໍ ເລສເຕ ເພື່ອເປັນການຮັບຮູ້ເຖິງການປະກອບສ່ວນຂອງ ທ່ານ ດູຣານິ ແກ່ ການປັບປຸງຊີວີດຂອງເດັກນ້ອຍໃນ ຕີມໍ ເລສເຕ. ນອກນັ້ນ, ທ່ານຍັງໄດ້ຮັບລາງວັນສະພາແຫ່ງຊາດ ຈາກ ປະເທດ ສ.ເກົາຫຼີ ຈາກ ປະທານຄະນະກຳມະການລັດຖະສະພາ ວຽກງານເດັກນ້ອຍ, ປະຊາກອນ ແລະ ສິ່ງແວດລ້ອມ ອີກເຊັ່ນດຽວກັນ.
ທ່ານ ດູຣານິ ຈົບປະລິນຍາໂທດ້ານການພັດທະນາສາກົນ ຈາກ ສະຖາບັນການສຶກສາສັງຄົມສາກົນ ທີ່ ປະເທດໂຮນລັງ; ປະລິນຍາໂທດ້ານນະໂຍບາຍສາທາລະນະສາກົນ ຈາກ ມະຫາວິທະຍາໄລເອີຣົບກາງ ທີ່ ປະເທດອອສເຕຣຍ; ແລະ ປະລິນຍາໂທບໍລິຫານທຸລະກິດ ຈາກ ມະຫາວິທະຍາໄລ ບາເຣຍ ທີ່ ປະເທດປາກິສະຖານ.
ທ່ານ ດູຣານິ ຖືສັນຊາດ ປາກິສະຖານ. ທ່ານໄດ້ແຕ່ງງານແລ້ວ ແລະ ມີລູກສອງຄົນ.

ທ່ານ ບັກທີອໍຣ ຄາດິຣອ໋ຟ ເປັນຜູ້ຊ່ຽວຊານດ້ານການພັດທະນາ ແລະ ຊ່ວຍເຫຼືອດ້ານມະນຸດສະທຳ ໂດຍມີປະສົບການເຮັດວຽກພາກສະໜາມ 21 ປີ ໃນຄວາມສາມາດທີ່ແຕກຕ່າງກັນ ຮວມເຖິງຄວາມເປັນຜູ້ນຳ ແລະ ຄວາມຮັບຜິດຊອບໃນການຈັດການໂຄງການກັບອົງການສະຫະປະຊາຊາດກອງທຶນເພື່ອການປະຊາກອນສາກົນ (UNFPA) ໃນປາກີສະຖານ, ໂຊມາເລຍ, ຊີເຣຍ, ຊູດານ ແລະ ທາຈິກິສະຖານ.

ວຽກທີ່ໄດ້ຮັບມອບໝາຍຂອງທ່ານ ບັກທິອໍຣ ຄາດິຣອ໋ຟ ກັບ UNFPA ປາກີສະຖານ, ໂຊມາເລຍ, ຊີເຣຍ, ຊູດານ, ເນປານ, ທາຈິກິສະຖານ ນຳໄປສູ່ຄວາມສຳເລັດທີ່ຄຸ້ມຄ່າໃນບົດບາດຜູ້ນຳຮວມເຖິງການຈັດການການປ່ຽນແປງການແນະນຳຮູບແບບ ໂປຣແກຣມຕາມຫລັກຖານ ແລະ ລະບົບຄວາມຮັບຜິດຊອບການລະດົມຊັບພະຍາກອນການສະຫນັບສະໜຸນ ແລະ ການປະສານງານການຮ່ວມມື.

ທ່ານ ບັກທິອໍຣ ມີທັງປະສົບການທາງດ້ານການພັດທະນາທີ່ກວ້າງຂວາງ ແລະ ການອອກແບບໂປຣແກຣມ ລະດັບສູງ ແລະ ປະສົບການຄວາມເປັນຜູ້ນຳ.

ລາວໄດ້ມອບຫມາຍໃຫ້ເປັນຜູ້ຮັກສາການຕາງຫນ້າຂອງອົງການ UNFPA ຢູ່ປະເທດຊີເຣັຍເປັນເວລາສອງປີ (2009-2010 ແລະ 2011-2012) ແລະ ເປັນຫົວໜ້າສຳນັກງານພາກສະໜາມ ໃນໂຊມາເລຍມາຫລາຍກວ່າ 5 ປີ.

ລາວໄດ້ເຮັດໜ້າທີ່ເປັນຜູ້ຮັກສາການຜູ້ຕາງໜ້າ ຂອງອົງການ UNFPA ປາກີສະຖານ ໃນຊ່ວງເດືອນມິຖຸນາປີ 2021-ຕຸາ2022 ໂດຍໄດ້ເປັນແກນນຳໃນການສະໜັບສະໜຸນນະໂຍບາຍລະດັບສູງ, ການປະສານງານຄວາມຮ່ວມມື ການອອກແບບໃໝ່ຂອງການພັດທະນາແຜນງານ ແລະ ການຕອບໂຕ້ໄພນ້ຳຖ້ວມ ໃນຊ່ວງເດືອນມິຖຸນາ ປີ 2021 ຫາ ເດືອນຕຸລາ ປີ 2022

ກ່ອນໜ້ານີ້ລາວໄດ້ດຳລົງຕຳແໜ່ງ ຮອງຜູ້ຕາງໜ້າ ປະຈຳປະເທດ ປາກີສະຖານ ເປັນເວລາ 3 ປີ (2018-2021). ນອກຈາກນີ້, ລາວກໍຍັງໄດ້ຮັບຜິຊອບການບໍລິຫານໂຄງການໄລຍະສັ້ນ ແລະ ໄດ້ຮັບການມອບໝາຍໃຫ້ຮັບຜິດຊອບວຽກງານດ້ານວິຊາການໃນເນປານໃນເດືອນກຸມພາ ຫາ ເດືອນມີທູນາ ຫີ 2023.

ປະສົບການທີ່ພົ້ນເດັ່ນໃນຫຼາຍປີທີ່ຜ່ານມາສະທ້ອນໃຫ້ເຫັນເຖິງທັກສະໃນການຊ່ວຍເຫຼືອດ້ານການພັດທະນາ, ການດຳເນີນການພັດທະນາການດຳເນີນງານການສ້າງຄວາມຢືດຢຸ່ນ ແລະ ການຂະຫຍາຍຖານຄວາມຮ່ວມມື ແລະ ການພັດທະນານະໂຍບາຍ. ເປັນທີ່ໜ້າສັງເກດວ່າເພິ່ນມີປະສົບການທີ່ສຳຄັນໃນການສ້າງ ແລະ ຮັກສາຄວາມສຳພັນອັນຍາວນານກັບບັນດາຜູ້ມີສ່ວນທັງພາກລັດ, ຜູ້ໃຫ້ທຶນ ແລະ ພາກເອກະຊົນ ໂດຍສະເພາະແມ່ນໃນຂະແຫນງການການພັດທະນາ ແລະ ການຈັດຕັ້ງປະຕິບັດນະໂຍບາຍ.

ໃນປີ 2002 ທ່ານ ບັັກທີອໍຣ ຄາດິຣອ໋ຟ ໄດ້ເຮັດໜ້າທີເປັນທີ່ປຶກສາໃຫ້ກັບອົງການຈັດຕັ້ງທີ່ບໍ່ຂຶ້ນກັບລັດຖະບານ ເພື່ຶອສົ່ງເສີມສຸກຂະພາບໄວຈະເລີນພັນຂອງໄວຫນຸ່ມ ແລະ ເຍົາວະຊົນ.

ທ່ານ ດຣ. ບັກທີອໍຣ ຄາດິຣອ໋ຟ ເປັນຄົນສັນຊາດທາຈິກິດສະຖານ ແລະ ສຳເລັດການສຶກສາລະດັບປະກາດສະນີຍະບັດທາງການແພດທີ່ມີຄວາມຊ່ຽວຊານທາງດ້ານແພດພິເສດຈາກກະຊວງການສຶກສາ ແລະ ວິທະຍາສາດຂອງສຫະພັນລັດເຊຍແລະສະພາວິທະຍານິພົນວິທະຍາໄລແພດທາຈິກິດສະຖານ.

ທ່ານ Marc ເປັນນັກໂພຊະນາການສາທາລະນະສູກທີ່ມີປະສົບການ 20 ປີ ທາງດ້ານມະນຸດສະທຳ ແລະ ການພັດທະນາໃນອາຟຣິກາ ແລະ ອາເມລິກາລາຕິນ, ອອກແບບ ແລະ ປະຕິບັດໂຄງການຄວາມປອດໄພທາງດ􀁥ານສະບຽງອາຫານ ແລະ ນະໂຍບາຍທາງດ້ານໂພຊະນາການ. ກ່ອນໜ້າມາຮັບໜ້າທີ່ເປັນຜູ້ຕາງໜ້າ ແລະ ຜູ້ອໍານວຍການອົງການອາຫານໂລກ ປະຈໍາ ສປປ ລາວ, ທ່ານ Marc ເປັນຮອງຜູ້ອໍານວຍການ ອົງການອາຫານໂລກ ປະຈໍາ ປະເທດເຮຕີ; ເປັນທີ່ປຶກສາພາກພື້ນທາງດ້ານໂພຊະນາການ; ການປົກປ້ອງທາງສັງຄົມ ແລະ HIV ຂອງອາເມລິກາລາຕິນ. ທ່ານ Marc ເຄີຍເຮັດວຽກຢູ່ໃນສະຖານະການສຸກເສີນທີ່ຍາວນານໃນປະເທດ ຄອງໂກ, ບູຣຸນດີ, ໂຊມາເລຍ ແລະ ສະພາບການໄລຍະຂ້າມຜ່ານໃນຊູດານ ແລະ ເຮຕີ. ນອກຈາກເຮັດວຽກກັບ ອົງການອາຫານໂລກຕັ້ງແຕ່ປີ 2009, ທ່ານ Marc ຍັງໄດ້ເຮັດວຽກກັບອົງການອາຫານ ແລະ ການກະເສດຂອງ ສະຫະປະຊາຊາດ ແລະ ບັນດາອົງການສາກົນທີ່ບໍ່ຂຶ້ນກັບລັດຖະບານ. ທ່ານ Marc ຍັງໄດ້ເຮັດວຽກເປັນນັກວິໄຈຢູ່ທີ່ໂຮງຮຽນສຸຂະອະນາໄມ ແລະ ການແພດເຂດຮ້ອນຂອງລອນດອນ (LSHTM) ກ່ຽວກັບ ຊີວະວິທະຍາຂອງການຂາດສານອາຫານຮູນແຮງ. ທ່ານ Marc ຈົບການສຶກສາດ້ານໂພຊະນາການຂອງມະນູດຈາກມະຫາວິທະຍາໄລ Montpellier (ຝຣັ່ງ) ແລະ ດ້ານພະຍາດລະບາດ ຈາກໂຮງຮຽນສູຂະອະນາໄມ ແລະ ການແພດເຂດຮ້ອນຂອງລອນດອນ (LSHTM).

ທ່ານ ວຽງປະສິດ ດຳລົງຕຳແໜ່ງຜູ້ປະສານງານອົງການແຮງງານສາກົນ (ILO) ປະຈຳ ສປປ ລາວ ໃນວັນທີ 21 ເດືອນກໍລະກົດປີ 2022. ກ່ອນໜ້າທີ່ຈະເຂົ້າຮ່ວມ ILO ລາວໄດ້ຜູ້ປະສານງານໂຄງການ ກ່ຽວກັບປອດໄພ ແລະ ຍຸຕິທຳຕັ້ງແຕ່ເດືອນພະຈິກ ປີ 2018.

ທ່ານ ວຽງປະສິດ ຈົບການສຶກສາຈາກອະດີດສະຫະພາບໂຊຫວຽດ (ຢູເຄຣນ) ໃນສາຂາວິສະວະກຳສາດ ລົງເລິກດ້ານເຄື່ອງຈັກ ແລະ ລະບົບກົນຈັກຍົນ; ແລະ ຍັງໄດ້ສຳເລັດການສຶກສາລະດັບປະລິນຍາໂທຈາກມະຫາວິທະຍາໄລ ລີອົງ (ປະເທດຝຣັ່ງ) ດ້ານການບໍລິຫານ ແລະ ການຄຸ້ມຄອງໂຄງການ, ສຳເລັດການສຶກສາທີ່ School International Training (SIT) ໃນເມືອງເວີມ້ອນ ແລະ ມະຫາວິທະຍາໄລໂຄໂລມເບຍ ໃນສາຂາານຄຸ້ມຄອງ ແລະ ການສະໜບັບສະໜຸນສາທາລະນະ ທີ່ ສະຫະລັດອາເມລິກາ ແລະໄດ້ສຳເລັດການສຶກສາ ແລະ ມີໃບປະກາດ ຂັ້ນປະລິນຍາຫລາຍສາຂາວິຊາ.

ທ່ານ ວຽງປະສິດ ໄດ້ນຳເອົາປະສົບການອັນຍາວນານທີ່ເຄີຍເຮັດວຽກໃຫ້ກັບລັດຖະບານເຊັ່ນ: ກະຊວງໂຍທາທິການ ແລະການຂົນສົ່ງ, ກະຊວງປ້ອງກັນປະເທດ, IOs, INGOs ແລະ ອົງການຈັດຕັ້ງທາງສັງຄົມ. ເລີ່ມຈາກໜ່ວຍງານຂອງອົງການສະຫະປະຊາຊາດ ຄືອົງການການກະເສດ ແລະ ອາຫານ, Handicap International ໃນຕຳແຫນ່ງຮອງຜູ້ອຳນວຍການປະຈຳປະເທດລາວ, ອົງການເກັບກູ້ລະເບີດທີ່ບໍ່ທັນແຕກ (National Regulatory Authorization for unexploded ordnance); ອົງການກາແດງຂອງເດນມາກ; ມູນນິທິເອເຊັຍ, ອົງການແຄຣສາກົນ ແລະ ອົງການຈັດຕັ້ງທາງສັງຄົມອື່ນໆ. ລາວເຮັດວຽກກ່ຽວກັບບັນທາງເພດຂອງເດັກ, ການສ້າງຄວາມເຂັ້ມແຂງໃຫ້ກັບແມ່ຍິງ ໂດຍສະເພາະແມ່ຍິງ ແລະ ເດັກນ້ອຍທີ່ມີຄວາມສ່ຽງ ຮວມເຖິງແມ່ຍິງພິການ, ການເຮັດວຽກທີ່ມີກຽດສັກສີ ແລະ ແມ່ຍິງຜູ້ຍົກຍ້າຍຖິ່ນຖານ, ບັນຫາການຄ້າມະນຸດໃນຊ່ວງສາມທົດສະວັດທີ່ຜ່ານມາ. ລາວມີປະສົບການຢ່າງຫລວງຫລາຍ ກ່ຽວກັບ ການຕິດຕໍ່ພົວພັນ ແລະ ການປະສານງານກັບໜ່ວຍງານຂອງລັດຖະບານ.

ທ່ານ ອາເລັກ ເຄຼມເມີ ໄດ້ເຂົ້າມາເປັນຫົວຫນ້າຫ້ອງການທະນາຄານໂລກປະຈໍາລາວໃນເດືອນກໍລະກົດ 2021. ລາວເປັນຜູ້ຊີ້ນຳໂຄງການຂອງທະນາຄານໂລກພາຍໃນລາວ ແລະ ນໍາພາການເຈລະຈານະໂຍບາຍກັບຄູ່ຮ່ວມລັດຖະບານ, ສັງຄົມພົນລະເຮືອນ ແລະ ຄູ່ຮ່ວມງານອື່ນໆ.

ທ່ານ ອາເລັກ ໄດ້ເຂົ້າເຮັດວຽກກັບທະນາຄານໂລກໃນປີ 2005. ກ່ອນທີ່ຈະມາປະຈຳການຢູ່ປະເທດລາວ ລາວເຄີຍເປັນຫົວຫນ້າຫ້ອງການທະນາຄານໂລກ ທີ່ປະເທດບີເອໂລລຸດ (2017-21), ໂມນດາວີ (2014-17), ສາທາລະນະລັດກຽກກິດ ແລະ ຕວັກເມນິດສະຖານ (2010-14). ໃນການເຂົ້າເຮັດວຽກກັບທະນາຄານໃນປີ 2005, ລາວໄດ້ຮັບໜ້າທີ່ເປັນນັກເສດຖະສາດອາວຸໂສຂອງຂະແຫນງການຢູ່ໃນພາກພື້ນຕາເວັນອອກກາງ ແລະ ອາຟຣິກາເຫນືອ. ຕະຫຼອດໄລຍະເວລານັ້ນ, ລາວໄດ້ພິມເຜີຍແຜ່ວຽກງານຄົ້ນຄ້ວາຫຼາຍດ້ານກ່ຽວກັບກະສິກໍາ, ຜົນກະທົບຂອງສົງຄາມຢູ່ເລບານອນ ໃນປີ2006, ປະສິດທິພາບໃນການນຳໃຊ້ພະລັງງານ ແລະ ພາກພື້ນທີ່ລ້າສະໄຫມ. ລາວໄດ້ເປັນຜູ້ຂຽນຫຼັກໃນບົດຄວາມ "ສະຖານທີ່ທຸກຍາກ, ປະຊາຊົນທີ່ຈະເລີນຮຸ່ງເຮືອງ: ຕາເວັນອອກກາງ ແລະ ອາຟຣິກາເຫນືອ ຈະມີວິທີເອົາຊະນະຄວາມບໍ່ສະເຫມີພາບທີ່ກ້ວາງຂວາງໃດ້ແນວໃດ" (2010).

ກ່ອນທີ່ຈະມາເຮັດວຽກກັບທະນາຄານ, ທ່ານ ອາເລັກ ໄດ້ເຮັດວຽກໃຫ້ກັບພະແນກເພື່ອການພັດທະນາສາກົນຂອງອັງກິດໃນປະເທດອິນເດຍໃນຕຳແໜ່ງຜູ້ຈັດການໂຄງການ, ແລະ ເປັນເຈົ້າຫນ້າທີ່ຂອງສະຫະພາບເອີຣົບ, ລວມທັງເປັນທີ່ປຶກສາດ້ານເສດຖະກິດ ແລະ ການເມືອງ ໃນນະຄອນຫຼວງຮາຣາເຣ ປະເທດຊິມບັບເວ.
ທ່ານ ອາເລັກ ເຄຼມເມີ ຈົບການສຶກສາດ້ານເສດຖະສາດຈາກມະຫາວິທະຍາໄລ ແຄມບຣິຈ ແລະ ລອນດອນ ລະດັບປະລິນຍາເອກສາຂາເສດຖະສາດຈາກລອນດອນ, ແລະ ປະລິນຍາໂທສາຂາບໍລິຫານທຸລະກິດ. ລາວແຕ່ງງານມີລູກສາມຄົນ ແລະ ມັກຮ້ອງເພງ, ຂຽນ, ທ່ຽວຊົມພູເຂົາ ແລະ ກິລາຟັນດາບ.

ທ່ານ ແອມໂບຣຊິໂອ ບາຣອສ ໄດ້ຮັບການແຕ່ງຕັ້ງເປັນຫົວຫນ້າກອງທຶນສາກົນເພື່ອການພັດະນາກະສິກຳ (IFAD) ປະຈຳສຳນັກ ງານຫລາຍປະເທດໃນລຸ່ມແມ່ນ້ຳຂອງ ແລະ ເປັນຜູ້ອຳນວຍການ IFAD ປະຈຳປະເທດລາວ, ຫວຽດນາມ, ມຽນມາ ແລະ ໄທ.
ທ່ານ ແອມໂບຣຊິໂອ ບາຣອສ ປະຈຳການຢູ່ນະຄອນຫລວງຮ່າໂນ້ຍ, ປະເທດ ສ. ຫວຽດນາມ ໂດຍຍ້າຍມາຈາກ ເມືອງໂຢ່ຮັນເນສເບີກ (Johannesburg), ປະເທດອາຟຮິກາໃຕ້ ເຊິ່ງເປັນບ່ອນທີ່ເພິ່ນໄດ້ດຳລົງຕຳແຫນ່ງເປັນຫົວຫນ້າສຳນັກງານຫລາຍປະເທດຂອງ IFAD. ພາຍຫລັງທີ່ໄດ້ຮ່ວມວຽກກັບ IFAD ໃນປິ 2010 ເພິ່ນໄດ້ເປັນຜູ້ນຳພາຫລັກວຽກງານຂອງ IFAD ໃນປະເທດຕ່າງໆຮວມເຖິງ ສາທາລະນະລັດ ປະຊາທິປະໄຕ ຄອງໂກ, ເຄບ ເວີດ, ໂມຊຳບິກ, ເຮຕິ, ມາລາວີ, ແຊມເບຍ.
ກ່ອນຫນ້າທີ່ຈະຮ່ວມງານກັບ IFAD, ເພິ່ນໄດ້ຮຽນຈົບປະລິນຍາໂທ ທີ່ ມະຫາວິທະຍາໄລ Science Po Paris ແລະ ໄດ້ເຮັດຫນ້າທີ່ເປັນນັກການທູດໃຫ້ແກ່ກະຊວງການຕ່າງປະເທດແອງໂກລາ ຢູ່ ປະເທດຝຣັ່ງ. ທ່ານ ບາຣອສ ສຳເລັດການສຶກສາລະດັບປະລິນຍາຕີສາຂາປະຫວັດສາດ ແລະ ສັງຄົມສາດ ພ້ອມທັງປະລິນຍາໂທ 2 ສາຂາ ຄື ສາຂາການພົວພັນລະຫວ່າງປະເທດ ຈາກມະຫາວິທະຍາໄລ ຊໍບອນ (Sorebonne University) ທີ່ ປະເທດຝຣັ່ງ ແລະ ອີກສາຂາຫນຶ່ງແມ່ນສາຂາການບໍລິຫານລັດ ແລະ ນະໂຍບາຍສາດ ລົງເລິກດ້ານການພັດທະນາເສດຖະກິດ ແລະ ການເມືອງຈາກມະຫາວິທະຍາໄລໂຄລຳເບຍໃນນິວຢອກ, ສະຫະລັດອາເມລິກາ (Columbia University in New York, USA).