ວັນອາຫານໂລກ 2022: ວິດິໂອ ຖະແຫຼງ ໂດຍທ່ານຜູ້ອຳນວຍການໃຫຍ່ ອົງການ FAO
ວັນອາຫານໂລກ 2022: ວິດິໂອ ຖະແຫຼງ ໂດຍທ່ານຜູ້ອຳນວຍການໃຫຍ່ ອົງການ FAO
ໃນແຕ່ລະປີ, ອົງການອາຫານ ແລະ ການກະເສດແຫ່ງສະຫະປະຊາຊາດ (FAO) ສະເຫຼີມສະຫຼອງວັນອາຫານໂລກໃນວັນທີ 16 ຕຸລາ ເພື່ອລະລຶກເຖິງ ວັນສ້າງຕັ້ງວັນອາຫານໂລກ ໃນປີ 1945. ແຕ່ທຸກໆປີ ມີ 150 ປະເທດ ໃນທົ່ວໂລກພ້ອມໃຈກັນສະເຫຼີມສະຫຼອງ ເຊິ່ງເຮັດໃຫ້ ວັນອາຫານໂລກ ກາຍເປັນວັນສະເຫຼີມສະຫຼອງໃຫຍ່ວັນໜຶ່ງ ທີ່ໃນປະຕິທິນຂອງບັນດາອົງການສະຫະປະຊາຊາດ. ຫຼາຍຮ້ອຍງານສະເຫຼີມສະຫຼອງ ແລະ ບັນດາກິດຈະກໍາຕ່າງໆ ໄດ້ຮ້ອຍໂຮມເອົາ ພາກລັດຖະບານ, ພາກທຸລະກິດ, ອົງການຈັດຕັ້ງທີ່ບໍ່ຂຶ້ນກັບລັດຖະບານ (NGOs), ສື່ມວນຊົນ, ແລະ ປະຊາຊົນທົ່ວໄປໃຫ້ເກີດການມີສ່ວນຮ່ວມ. ເຂົາເຈົ້າໄດ້ພ້ອມໃຈກັນສົ່ງເສີມການປູກຈິດສໍານຶກໃນທົ່ວໂລກ ແລະ ການປະຕິບັດເພື່ອຜູ້ທີ່ກຳລັງປະເຊີນກັບໄພອຶດຫິວ ແລະ ຄວາມຈຳເປັນໃນການການບໍລິໂພກທີ່ມີສຸຂະພາບດີສໍາລັບທຸກຄົນ.
ໂລກກຳລັງພົບກັບສິ່ງທ້າທາຍກ່ຽວກັບການຄ້ຳປະກັນທາງດ້ານສະບຽງອາຫານຢ່າງໜັກໜ່ວງ ເຊິ່ງ ເປັນຜົນມາຈາກບັນດາຂໍ້ຂັດແຍ່ງ, ວິກິດການທາງເສດຖະກິດ, ພາວະສຸກເສີນທາງດ້ານສະພາບດິນຟ້າອາກາດ, ການເສື່ອມໂຊມຂອງສິ່ງແວດລ້ອມ ແລະ ຜົນກະທົບຂອງພະຍາດໂຄວິດ-19, ແຕ່ພວກເຮົາຍັງຕ້ອງສືບຕໍ່ຄວາມພະຍາຍາມເພື່ອໃຫ້ບັນລຸວາລະ 2030 ສຳລັບທຸກຄົນ, ຢູ່ທົ່ວທຸກແຫ່ງ. #ວັນອາຫານໂລກ 2022 ແມ່ນແນໃສ່ ຮຽກຮ້ອງໃຫ້ມີການດຳເນີນງານ ແລະ ຄວາມສາມັກຄີໃນທົ່ວໂລກ ເພື່ອຫັນປ່ຽນລະບົບອາການທາງການກະສິກຳ ເພື່ອແນ່ໃສ່ຊຸກຍູ້ການເຕີບໂຕທາງເສດຖະກິດ, ແກ້ໄຂຄວາມບໍ່ສະເໝີພາບ, ເພີ່ມທະວີຄວາມສາມາດໃນການປັບໂຕ, ແລະ ບັນລຸການພັດທະນາແບບຍືນຍົງ ຢ່າງທົ່ວເຖິງ.
